DOKUZUNCU KIRIM TATAR GENÇLİK KURULTAYININ SONUÇ BİLDİRGESİ

Biz;
2019 senesi Mayıs 20-23 künleri Ankarada ötkerilgen 9-ıncı Qırımtatar Yaşlıq Qurultayında iştirak etken Vatan Qırım, Türkiye, Ukraina, Romaniya, Litvaniya, Almanya ve Poloniya diasporalarınıñ çeşit rayonlarından kelgen yüzden ziyade Qırımtatar Yaşlıq vekilleri ve musafirleri, şunı ilân etemiz:


1. Dünyadaki bütün Qırımtatarlarnıñ yekâne ana vatanı Qırımdır ve er Qırımtatarnıñ vatanda barışıq bir şerait astında yaşamaq aqqı bardır.
2. Bizler, 1783 senesinden başlap asırlarca devam etken köç ettirilüv siyasetini, 18 Mayıs 1944 sürgünligini ve halqımıznıñ medeniyetini yoq etüv maqsadınen yapılğan bütün areketlerni soyqırım- ‘genotsid’ dep qabul etemiz.
3. Milletimizniñ serbest reylerinen saylanğan Qırımtatar Milliy Qurultayını ve Qırımtatar Milliy Meclisini, Qırımtatarlarnıñ yekâne temsil ve qarar organı dep tanıymız.
4. Bizler, Türkiy dünyanıñ ve İslâm aleminiñ parçasımız.
5. Bizler, bütün dünya halqlarına, azatlıq, demokratiya, insan aqları ve barışıq perspektivasından baqamız.
6. Bizler, Qırım toprağında yaşağan qaysı dinden ve milletten olsa olsun butün halqlarğa sevgi ve sayğı duyamız.
7. Bizler, Qırımtatar tili ve medeniyetini ebediyen saqlamağa qararlımız.
Bu fikirlerge esaslanıp, 9-ıncı Qırımtatar Yaşlıq Qurultayı, yaşlıq faaliyetleri içün şu qararlarnı aldı;
1. Qurultayda taqdim etilgen bütün leyhalarnı kerçekleştirmek maqsadınen çalışacaqmız.
Vekillerimiznin reylerinen belgilengen sıra leyhalar arasında sadece bizlerin körgeni prioritetni köstermektedir. Leyhalar aşağıda qısqa malümatnen beraberce berilmektedir.
2. Vatan Qırımda devam etmekte olğan işğal ükümetinin qararları neticesinde qaçırılğan ve tutulğan qardaşlarımıznıñ tez vaqıtta azat olması içün al-azırda devam etken kampanyalarğa bütün insanlarnı davet etemiz.
• Bu qarar boyunca bu netice beyannamesinen beraberlikte qabul etilgen mektubumuznu Rusiye ükümetine, Ukraina ükümetine, Avropa Parlamentosuna ve tüm insanlıqqa yiberemiz.
3. Yaşlar arasındaki umumiy medeniy faaliyetlerni ömürge keçirmek içün halqara fondlarnı tedqiq etmek ve leyhalar kerçekleştirmesini uyğun köremiz. Kelişikli fondlarnı tapqanların kelişikli leyhaların saiplerini haberdar etmelerini kerekli köremiz.
4. Alınğan qararlarımıznı amelge keçirmek içün bu Qurultayımızğa qatnağan vekillerniñ
episi mesüldir.

 

TAVSİYELER

CENGİZ DAĞCI PANELİ ve Belgesel gösterimi

ANKARA’da CENGİZ DAĞCI PANELİ ve Belgesel gösterimi  Konuşmacılar: Zafer Karatay ve Recep Garip Belgesel Gösterimi: …