BASTIRIQTA

Yazar:

Memet NÜZET.

Başımda miy qurudı, közümde yaş,
Aşasam da, iç ketmey tamaqtan aş.
Kece kündüz raatsız can çekişe
Tüşke kele, yuqlasam,”topraqman taş”.
Közüm aldı qaranlıq, beden yorğun,
Aşqa suvğa maddem yoq, göñül qırğın.
Faydalanıp bolmayman tuvğan künden.
Sanki dünya, alay şey mağa darğın !
Yatqan odam qaranğı küfli bir yer,
Vucüt çüriy, yürekni qaplay köp çer.
Qamaranıñ qapısı tıştan kirtli,
Qaravullar dolaşa ekşer, üçer.
Ufacıq bir tırsıltı can qorquza,
Şay da qırıq yürekten qanlar sıza.
Şınğırdaşa qapıda anahtarlar,
Yorğun bened, çımırdap otday qıza.
Künde bir qaç söğüle Allaman din,
Besley sağa qaravul gizli bir kin.
Eger barmaq kerekse acetine,
Aşamağa mecbursın sögiş yüzbin.   1 Memet Nüzet,“Qırımnın Çöl Ayatından” saylama eserler cıyıntığı, Simferopol (Akmescit) 2003 s.22. Bu eser Memet Nüzet’in el yazmalarından yararlanılarak İsmail Gaspıralı Kütüphanesi tarafından rahmetli Şakir Selim’in danışmanlığında Nariman Seyityagya tarafından neşre hazırlanmıştır.
Emel 235. Sf.49.

TAVSİYELER

EMEL KIRIM KÜLTÜR MERKEZİ için desteğinize ihtiyaç var

  Değerli üyelerimiz ve Emelci dostlarımız, Sizi Emel’in 90. yaşında sizi Emel Kırım Kültür Merkezi’ne …