“EMEL” VE MİLLİY MATBUATIMIZ AQQINDA BİR QAÇ SÖZ

“Emel” mecmuamıznıñ, yañıdan neşir etilip, bizlerge kelip çıqqanı endi epey bir yıl olğandır. Emel Qırım Vaqıfı reisi Zafer Qarataynıñ ğayretlerinen yañıdan faaliyetke başlap, amellerimizniñ kerçekleşmesi içün hızmet etken “Emel” mecmuası, Cafer Seydahmet Qırımer ve Müstecip Ülküsalnıñ başlağan işiniñ bir devamı olıp, kelecek nesillerge miras qalacaq eñ büyük milliy baylığımız olaraq, belki de, birinci sıralarda yer almaqtadır.