ÖZ TİLİMİZ

ÖZ TİLİMİZ

İzet İSA

Ey öz tilini begenmegen Tatar caşı
Neden şaşıpta doğru yolundan şaşasın
Öz tilimizdir Tatarlığın temel taşı
Yoksa bundan başqa aruv til mi tapasın?

Tilin berip adın berip ellerge mi caraysın?
Kel qardaşım kel tuğanım öz soyundan ayrılma
Ne cüreknen öz soyuna cat közümen qaraysın?
Öz soyundan ayrılıp ketip elge sarılma

Men bir Tatar körgende töpem köklerge tiye
Öz tilimnen qonuşup qanım coşa can süye
Kim ne dese desin mağa öz tilimden keçemem
Seni bunday körgende içim qavrulup küye

Qarañğıda qarmalanıp curt collar sorayman
Colda qalğan boynu bükük yaralı bir torgayman
Öz soyumnu öz tilimni öz curtumnu süyemen
Öz tilini süymegen oysuzlarnı qarğayman


Ömür degen bir kuştur
Usup keter tuymazsın
Caşlık başqa bir kelir
Keçip keter tuymazsın