SADIQ HALQIM!

Emine ÜSEYİN.

 

Baba, “Sadıq halqım!” – siz aytqanda,

Nedir? Añlatıñız maña,

[ihc-hide-content ihc_mb_type=”show” ihc_mb_who=”1,2,3″ ihc_mb_template=”1″ ]

Balam, kel otur yanıma,

Diñle ve iç de unutma!

 

“Sadıq halqım!” aytqanımda,

 Balqurt kibi emeksever,

Topraq kibi sabır eyler,

Allağa dualar eter.

 

“Sadıq halqım!” aytqanımda,

Temiz irmaq kibi aqar,

Cerbest o, soñsuza qadar,

Ana-Vatanğa sadıq yar.

 

“Sadıq halqım!” aytqanımda,

Birlik olur, isyan etmez,

Ayırı ve ğayrı, o demez,

Halqımnı ekige bölmez! 

 

 

“Sadıq halqım!” aytqanımda,

Ruzgâr kibi ögge sürer,

Bir ahın peşinden tüşer.

Ne qorqu olur, ne de keder.

 

“Sadıq halqım!” aytqanımda,

Elif kibi tim-tik tura,  

Aqsızlıqqa qarşı bara, 

Adaletke meydan qura.

 

“Sadıq halqım!” – sen aytqanda,

Yıldızlar bir avuç olur,

Ümütke qapı açılır, 

Allahtan rahmet saçılır!  

 

 

20.07.2018

[/ihc-hide-content]