SUD ZALINDAN CEMAATQA; PROTSESSTE DOĞĞAN TUVĞANLIQ

24.7.1969 senesi üylelik sofra başında, söz sırası Yazıcıyev İsmail bizim aramızda bulunğan halqımıznıñ eki qızını sledstviye ve protsess vaqtında özlerini gayet nemuneviy, taqtikiy ve cesur alıp barğanları içün olardan ğayet memnun olğanını bildirdi.

Öz nevbetinde, Ametova Svetlana ve Halilova Munire de ona samimiy teşekkürlerini bildirdiler. Samimiylik munasebetinden faydalanıp Ametova Svetlana, babası olmağanından sebep Yazıcıyev İsmailge onın babası olmaqnı teklif edip, onıñ razılığını soradı. Yazıcıyev bu teklifni can yürekten qabul etıp razılıq berdi.

Ametova: ‒ Bu dakiqadan başlap men sizge “BABA” deycegim, dedi. Yazıcıyev ise: ‒ Men de “QIZIM” deycegini bildirdi.

Bu tuvganlıq qucaqlaşıp öpüşmeknen pekitildi. Bu levha bizge çoq yıllardan soñ biri-birinen tanışqan baba ve qızınıñ ilkingi körüşüvünni andırdı.

Bu inisiyativanı deral Umerov Rızanen Halilova Munire qantalladılar. Rızanıñ teklifinen, Munire onın tuvğan qardaşı olmağa can yürekten razı oldu.

Böylece mahbuste doğğan tuvğanlıq daa da pişkinledi.

Bu faktlarını cemaatçılıqqa ofitsial bildiremiz.

Protsessle şekillengen bu tuvğanlıqnıñ qanuniyligine ve edebeyligine biz şaadlıq etemiz.

1. Kadiyev Rolan
2. Bayramov Reşat
3. Barıyev Ayder
4. Gafarov Rıdvan
5. Hayırov İzzet
6. Eminov Ruslan

Lugatçe:

Sud: Mahkeme

Zal: Salon

Sledsviye: Soruşturma

Protsess: Yargılama