UNUTÇAQLIQ

Insan zatı unutçaqtır,

Unuta o er şeyni.

Biri – kendi allasını,

Biri – vatan, sevgisini.

 

Üçüncisi – yavluğını,

Saba aşap içkenini,

Sormağa dost sağlığını,

Qırmağa gül tikenini.

 

Dörtincisi – bulutlarnı,

Felek urğan şamarlarnı,

Yüregini yaralağan

Totlu, soqur qamalarnı.

 

 

 

Olucıdır, unutursıñ

Irıs-namus, keçmişiñni,

Furtunaday quturırsıñ,

Esleyalmay öz ismiñni.

 

Unutırsıñ seni yolğa

Ozğarğan qart yol qapını

Yavluğını sallap qalğan

Qamburayğan anayıñnı…

 

Eger niyet ider iseñ,

Bulursıñ coyuğıñnı.

Aray-aray qan qussañ da

Tapmazsıñ tek Anañnı.

 

10 Eylül 1982

 

Emel Dergisi 268, Temmuz-Ağustos-Eylül 2019. Sayfa 64.